લાલ ને લીલી, વાદળી પીળી,
કેસરી વળી, જાંબલી વળી,
રંગબેરંગી ઓઢણી લઉં,
બહેન મારીને ઓઢવા દઉં!
સોનીએ ઘડ્યાં રૂપલે મઢ્યાં,
નાના નાના ઘૂઘરા ઝીણા,
એવી બે ઝાંઝરીઓ લઉં,
બહેન મારીને પહેરવા દઉં!
ચંપા બકુલ, બોરસલી ફૂલ,
માલતી ને મોગરાનાં ફૂલ,
બાગમાંથી હું લાવી દઉં,
બહેનને વેણી ગૂંથવા દઉં!
ઓઢણી તમે ઓઢજો બેની,
ઝાંઝર પગે પહેરજો બેની,
વેણી માથે ગૂંથજો રે….!
બાગમાં ઘૂમી હીંચકે હીંચી,
સાંજરે વહેલા આવજો રે,
ભાઇને સાથે લાવજો રે…..!
No comments:
Post a Comment