વહાલી દીકરી

વહાલી દીકરી
મમતાએ મઢી
સંસ્કારે ખીલી
વહાલી દીકરી
ભર બપોરે દોડી
બારણું ખોલી
ધરે જળની પ્યાલી
વહાલી દીકરી
હસે તો ફૂલ ખીલે
ગાયે તો અમી ઝરે
ગુણથી શોભે પૂતળી
વહાલી દીકરી
રમે હસતી સંગ સખી
માવતર શીખવે પાઠ વઢી
સૌને હૃદયે તારી છબી જડી
વહાલી દીકરી
વીતી અનેક દિવાળી
જાણે વહી ગયાં પાણી
સોળે કળાએ ખીલી જાણે રાણી
વહાલી દીકરી
પૂજ્યાં તે માત પાર્વતી
પ્રભુતામાં માંડવા પગલી
લેવાયાં લગ્ન આંગણિયે
મહેંકે સુગંધ તોરણિયે
દિન વિજયા દશમી
વહાલે વળાવું દીકરી
વાગે શરણાઈ ને ઢોલ
શોભે વરકન્યાની જોડ
વિપ્ર વદે મંગલાષ્ટક
શોભે કન્યા પીળે હસ્ત
આવી ઢૂંકડી વિદાય વેળા
માવતર ઝીલે છૂપા પડઘા
વ્યથાની રીતિ ના સમજાતી
વાત કેમ કહેવી બોલે દીકરી
ઝીલ્યા વડીલોના મોંઘા બોલ
વગર વાંકે ખમ્યા સૌના તોલ
દીકરીની વ્યથા ઉરે ઉભરાણી
કેમ સૌ આજ મને દો છોડી
આવી રડતી બાપની પાસે
બોલી કાનમાં ખૂબ જ ધીરે
કોને બોલશો-વઢશો પપ્પા હવે
હું તો આજ સાસરિયે ચાલી
કેવું અંતર વલોવતા શબ્દો બોલી
જુદાઈની કરુણ કેવી કથની
થયો રાંક લૂંટાઈ દુનિયા મારી
આજ સંબંધની સમજાણી કિંમત ભારી
આંખનાં અશ્રુ બોલે વાણી
નથી જગે તારા સમ જીગરી
તું સમાઈ અમ શ્વાસે દીકરી
તારા શબ્દો ટપકાવે આંખે પાણી
ઓ વહાલી દીકરી
ઘર થયું આજ રે ખાલી

જરા વિચારો..

૧. જીંદગીને કોઈ પણ જાતની શરત વગર પ્રેમ કરો.
૨. તમે નહીં ખર્ચેલા ડોલરના તમે ચોકીદાર છોમાલિક નહીં.
૩. દુનિયામા દરેક માણસ એમ સમજે છે પોતેચાલાક છે. કુદરતની ચાલાકીની ખબર છે?
૪. જો તમને પહેરવા કપડા, રહેવા ઘર, બે વખતખાવા અન્ન મળતું હોય તો ખરા દિલથી ઉપરવાળાનોઆભાર માનજો.
૫. એ વાત મહત્વની નથી કે તમે પૈસાદાર છો કે ગરીબ.દરેક માણસનો અંત તો એક સરખો જ છે. ‘મૃત્યુ.’મહત્વની વાત એ છે કે કોણ કેટલું સાથે લઈ જઈ શક્યો.
૬. આજે કરેલા કર્મનું ફળ કદાચ કાલે મળે કદાચ વર્ષે, બે વર્ષેકે પાંચ વર્ષે મળે. કદાચ આ જન્મે નહી તો આવતા જન્મેમળે. કર્મની ગતિ અતિ ગહન છે.
૭. એક દિવસ બધું મૂકીને ચાલ્યા જવું પડશે. આ વાત જોસાચી હોય તો જરૂર કરતાં વધારે ભેગું કરવાની શી જરૂર છે?
શું સુંદર વાત છે . આપણા બધિર કાન તેં કેમ સાંભળતા નથી.હવે વિચાર કરી અમલ કરવાની ઘડી આવી ગઈ છે. ૬૦ વર્ષની ઉમરવટાવી ચૂકેલા સર્વે માટે ખાસ.” હવે કાઢ્યા એટલા નથી કાઢવાના.”અમેરિકામા ગ્રીનકાર્ડ અને નાગરિકત્વ જોઈએ. ઉપર જવા માટેકોઈ લાગવગ ચાલતી નથી.મજાક ખાતર લખ્યું છે. કિંતુ સનાતન સત્ય છે.

પ્રેમ અને મૈત્રી

પ્રેમ અને મૈત્રી
વ્યક્તિ-વ્યક્તિ વચ્ચેના બે અંતિમો છે..

આંસુ અને સ્મિત
આંસુ અને સ્મિત એ બન્ને એકજ વાતના પૂરાવા છે.

પ્રેમ
આ પ્રેમનો અફાટ વિસ્તાર ક્યાંથી શરુ થાય છે , તમને ખબર છે??
સંબંધો, શબ્દો, અર્થો, સંસાર....વિગેરેની પાર ચાલ્યા જાઓ...

ત્યાર પછી..
પ્રેમના વિસ્તારમાં સૂર્ય કાયમ તપે છે.
પ્રેમના દરિયામાં કાયમ ભરતી છે.
મૈત્રીના વનમાં અનંત વસંત છે.

આપણે એવા બનીએ કે આપણે ચાલ્યા જઇએ તેમ છતાં,
પ્રેમ અને મૈત્રી........